पिंपरी, दि. २३ (प्रतिनिधी) – महाराष्ट्र राज्य औषध व्यवसाय परिषद, औषध माहिती केंद्र (DIC), व केमिस्ट असोसिएशन ॲाफ पुणे डिस्ट्रिक्ट तसेच सिद्धी कॉलेज ऑफ फार्मसी, यांच्या संयुक्त विद्यमाने जगन्नाथ उर्फ आप्पासाहेब शिंदे यांच्या मार्गदर्शनाखाली “4th National Pharmacovigilance Week” 2024 (NPW) चे आयोजन सिद्धी फार्मसी कॉलेज, चिखली, पिंपरी चिंचवड येथे करण्यात आले.
या वेळी औषधांच्या सुरक्षिततेसाठी एडीआर रिपोर्टिंग महत्त्वाचे याविषयी एम.एस.पी.सी. अध्यक्ष अतुल अहिरे यांनी मार्गदर्शन केले.
यावेळी प्राचार्य प्रवीण साबळे म्हणाले, फार्माकोविजीलन्स हा फार्मासिस्टसाठी महत्त्वाचा दुवा आहे. त्यांनी यावेळी एम.एस.पी.सी. समन्वयक, उपाध्यक्ष केमिस्ट असोसिएशन ऑफ पुणे डिस्ट्रीक्टचे विवेक तापकीर यांचे स्वागत केले. औषधांच्या सुरक्षितता आणि परिणामकारकतेबद्दल फार्माकोव्हिजिलन्स आणि त्याची आवश्यकता याविषयी जागरूक करण्यासाठी हा कार्यक्रम आयोजित केल्याचे विषद केले.
यावेळी पिंपरी चिंचवड केमिस्ट असोसिएशनचे अध्यक्ष रविंद्र पवार, ॲार्गनायझींग सेक्रेटरी , पिंपरी चिंचवड केमिस्ट असोसिएशन संतोष वरे, स्वेता थोरवे महिला सदस्य केमिस्ट असोसिएशन ऑफ पुणे डिस्ट्रीक्ट तसेच झोनल लिडर स्वप्नील जंगम, संदीप सूर्यवंशी यांचे स्वागत केले.
सिद्धी कॅालेज ऑफ फार्मसीने राष्ट्रीय फार्माकोव्हिजिलन्स सप्ताह साजरा करण्याचा एक भाग म्हणून संयुक्तपणे या कार्यक्रमाचे आयोजन केले होते.
तापकीर यांनी एडीआर रिपोर्टिंगच्या गरजेवर प्रबोधन केले. ते पुढे म्हणाले की फार्मासिस्ट आणि नवोदित फार्मासिस्ट यांना औषधांच्या सुरक्षित आणि प्रभावी वापरासाठी एडीआर रिपोर्टिंगबद्दल जागरूक करणे हे या कार्यक्रमाचे मुख्य उद्दिष्ट आहे.
अहिरे यांनी त्यांच्या ऑनलाइन व्हिडिओमध्ये भारताच्या फार्माकोव्हिजिलन्स प्रोग्रामबद्दल आणि एडीआर रिपोर्टिंगच्या प्रक्रियेबद्दल तपशीलवार माहिती दिली. एम.एस.पी.सी.ने या संदर्भात फार्मासिस्टना प्रशिक्षण देण्यासाठी घेतलेल्या प्रयत्नांचीही माहितीही त्यांनी दिली.
या वेळी प्रा. राजश्री निकम, प्रा. प्रणाली मॅडम, तसेच सर्व शिक्षक व विद्यार्थी उपस्थित होते. सिद्धी कॉलेज ऑफ फार्मसीचे विद्यार्थी उपस्थित होते. प्रा. प्रणाली मॅडम यांनी सूत्रसंचालन केले. प्रा.राजश्री निकम यांनी आभार मानले.
