महाराष्ट्र न्यूज
पिंपरी, दि. ३० – शिवांजली सखी मंच व चैतन्य प्रतिष्ठान पुणे, भारतीय जनता पार्टी कायदा आघाडी यांच्या संयुक्त विद्यमाने महिलां करिता हिराबाई किसनराव लांडगे मोफत कायदा सल्ला केंद्राचे उद्घाटन आमदार महेश लांडगे यांच्या हस्ते इंद्रायणीनगर, भोसरी येथे करण्यात आले.
पिंपरी चिंचवड शहर भागातील महिलांसाठी मोफत कायदा सल्ला केंद्र हे ॲड. विशाल विश्वास डोंगरे (प्रदेश उपाध्यक्ष कायदा आघाडी महाराष्ट्र प्रदेश) यांच्या पुढाकाराने सुरू करण्यात आले. या मोफत कायदा सल्ला केंद्रामध्ये महिलांना मोफत कायदे विषयक सल्ला मिळणार असल्याने महिलांचे मोठी सोय होणार आहे.
याप्रसंगी भोसरी सह पिंपरी चिंचवड शहरातील महिला भगिनींनी मोफत कायदा सल्ला केंद्राचा जास्तीत जास्त लाभ घ्यावा, असे आवाहन आमदार लांडगे यांनी केले. याप्रसंगी माजी स्थायी समिती अध्यक्ष विलास मडगिरे , माजी नगरसेवक योगेश लोंढे, माजी स्वीकृत नगरसदस्य दिनेश यादव, ॲड विशाल डोंगरे, ॲड नवनाथ जगताप, ॲड पूनम डफळ , ॲड सोनाली नलगे, ॲड अनिल शिंदे, ॲड मंगेश खराबे , राजेश डोंगरे ,श्री शिवराज लांडगे, शिल्पा पवळ , धनश्री सारजे , वंदना वाघ , योगिता बनसोडे,भाग्यश्री दीडभाई, व इतर पदाधिकारी कार्यक्रमास उपस्थिती होते.
